Posts published by “Vic Sumalinog”

Kaniadtong Huwebes sa gabi-i human manihapon akong nahinumdoman nga dun a ako’y gipasalig nga himuon alang sa pipila ka mga paryente nga nanginahanglan sa akong tabang aron mugna-on ang usa ka dokumento nga gikinahanglan sa pagtukod ug kooperatiba. Mao nga inay mag-abli ko sa akong e-mail nagdesisyon na lang ko nga pangitaon ang mga “file” sa mga dokumento nga akong gitago-an mahitungod sa kooperatiba.
Samtang nangutingkay ko sa baga nga mga papeles, nagkalingaw pud ko ug higop sa init nga kape nga gitimpla sa akong Misis. Ang alisngaw sa kapeng barako gikan sa Benguet nga nanuhitsuhot sa akong ilong mao ang naghatag nako ug kaabtik sa mata aron dili makatugon samtang mobasa sa mga ulohan sa matag usa ka dokumento nga akong makita.